E-Mail
10 Minute Pype
|
Depressie pype, 10 minute rook pype, dames
pype... Noem hulle wat jy wil, oulik is hulle voorwaar. Ek
het self die versoeking nie weerstaan en vinnig een gegryp net nadat
hulle gemaak is. Ek moet sê dat hulle nou nie heeltemal my rooklus
têm nie, maar dan moet ek darem by sê dat ek gewoond is aan so `n
halfuur op `n keer se rook! Ek was verbaas oor hoe warm my pypie
toe rook, en doen toe die toets om dit met sand te blaas. Magtig
maar toe rook hy lekker! Daarom is my voorstel om maar eerder vir
die sandblaas opsies te gaan, of die wat se kop effens dikker is.
Gebruik sommer die kopkant van `n spyker om mee te stop, die vinger werk
nie so lekker nie. Wat ek wel nog kan sê is dat die pyp
ongelooflik min tabak oorlos wat nie gerook kan word nie, en dat ek
maklik die 10 minute mylpaal kon haal. Die filterstelsel is so `n baster Keyser spoegbakkie wat kan verwyder soos by die Universele stelsel pype, en in die steel kan dit maklik `n 6mm filter vat.(haal net eers die insert uit.) Ek het ook gevind dat mens die filter in die helfte kan sny en saam met die spoegbakkie/insert gebruik kan word. So spaar mens nog op die filters ook! Wragtig waar depressie pype... Ek het almal sommer op een blad gegooi, klik die detail knoppie en geniet..., |
|
|
E-Mail
|
