Ebenharts Universele Stelsel

Hierdie pype is gemaak om in die kraal te pas van enige ander bekende pyp se stelsels op die mark.  Vir die manne wat Keyser so verafgod, hierdie skop daai stelsel se gat met mening...  en so ook enigiets anders! Dit kan nie net die ses milimeter filter neem soos in Savinelli nie, maar ook die nege millimeter filters soos by Big Ben en Stanwell.  Verder is die spoegbakkie soos by Keyser ook ingesluit, so weereens, enige tipe pyp word ingesluit hier.  Die groot verskil is dat alles in een is, so dit moet beter wees as enigiets vantevore op die mark.  Die pype en pryse hieronder verwys na die gemiddelde pyp, en mag duurder of goedkoper wees afhangende van die hout se kwaliteit wat gebruik word, hoewel ek my beste sal doen om binne die bespreke raamwerke te bly.  Die pryse werk as volg.  Hierdie stelsel moet verkoop vir `n minimum van R950-00, so laat dit die gidsprys wees, maar kan selfs so goedkoop as R800-00 wees.  Dit sal egter beteken dat die grein `n paar merkies in het, gewoonlik sandkorrels, so hou dit in gedagte.  Hierdie prys is ten opsigte van twee dot pype. Drie dots in dieselfde vorm sal vanaf R1200-00 wees, so laat weet maar in watter prysklas u belangstel.  Ek weet dis duurder as ander pype, maar jy betaal vir wat jy kry...  Die dots is my gradering van die pype, en is ook my handelsmerk.  Twee dots is standaard, drie dots topgrein, en vier uitsonderlik, en dêm duur...  Vir die hele agtergrond storie sien die blad gemerk Agtergrond.

Klik op enige detail knoppie langs die  foto en dit sal al die kante van die pyp wys asook al die pype beskikbaar in daardie groep.

                                                               E-Mail

Calitzdorp 

Hierdie was my eerste ontwerp.  Ek het in Pretoria gebly en huis toe verlang.  Ek woon nou weer in Calitzdorp, en lei tipies aan klein dorpie sindroom.  As ek wil weet hoe dit met my gaan vra ek net iemand in die dorp, en hulle sal weet...  Die pyp is egter een van die mees praktiese pype wat ek ooit ontwerp het, en sal stewig staan, het dik wande en die gevormde bokant van die kop gee dit `n karakter uniek en enig in sy soort. Sy vors houding gee hom `n karakter en houding van sy eie.

Bakgat/Platgat  

Die praktiese Bakkie pyp, omdat hy kan staan.  Verder in elke opsig is dit `n bakkie.   Die aluminium bus is effens wyer na agter, en gee dit so bietjie karakter van sy eie.

Kommando  
Hierdie is die pyp wat die konserwatiewes mal maak.  Ek is seker dat die eerste pype naastenby so gelyk het, plein en sonder fiterjasies...  Hierdie is seker die stadigste verkoper wat ek maak, lyk my daar is niks meers konserwatiefs in die land oor nie...  Ek is mal oor die vorm.  Dit neem effens meer tabak as die normale pyp, en laat my baie dink aan die pyp wat Paul Kruger gerook het.

Korrelkop

Hierdie pyp is een van die ouer forms wat die Dene maak, en wys pragtig die blomgroeisel wat in hierde geval bo op die kop van die pyp is.  Die grein is ook nie sleg nie, en die bamboes sal verseker een van die lekkerste rooksessies gee.

Boertjie                               
Hierdie vorm is geskoei op die engelse Bulldog, en hou nogal deksels lekker vas.  Dit het die dikte op die nodige plekke om van hitte te skerm, en is din daar waar maar mens die hitte vinnig wil laat wegraak, nl. die bokant.  Hierdie is een van my groot gunstelinge onder die rokers, want buiten vir die vryhand vorms is dit die pyp wat die lekkerste vashou.

Ringkop  
Vir die mense wat van die appel vorm hou, hierdie is die regte pyp... Dit neem effens meer twak as die appel, en gee die balans met die twee groefies in die kop.  Dit hou gemaklik vas en is beslis op my beste verkoper lys oor die praktiese eenvoud hiervan.  Ek maak dit meestal dat dit self kan staan, so spesifiseer asb. of dit nodig is of nie.

Rhodesier

is `n baie gewilde ou vorm.  Dit is een van die klassieke vorms in die pypbedryf, en sy vorm en grootte leen hom toe aan gemak en lekker vashou.  Hy het dik wande, maar is nie swaar nie.

Uitspan   
Net soos wat die voortrekkers uitgespan het saans, laat die pyp jou ontspan en gee net die beste.  Dit is prakties en pas by die manne wat ontspanne leef, gemaklik en baie gewild is die vorm beslis.

Vetkop

Hierdie is die groter appel, en kan effens kleiner na onder loop, of `n groot balvormige pyp wees.  Dit is defnitief die pyp met die grootste oppervlak wat ek maak sonder fiterjasies, en ongetwyfeld `n lekker rookpyp.

Bakkie 

Hierdie pyp het my onmiddellik aan `n boer laat dink.  Dit is ook die pyp wat ek die meeste bakkie asbak krapmerke op gekry het.  Gemaklik en een van die klassieke vorms in die pypwêreld.  Baie gewild.